Lëvizja Vetëvendosje ka mbajtur konferencë lidhur me takimin e presidentit të Kosovës Hashim Thaçi dhe atij të Serbisë, Aleksandar Vuçiç, ku u tha se duhet të marrin fund darkat e tilla mes tyre, pasi që janë tepër të shtrenjta për popullin e Kosovës.
Kjo sipas tij, pasi që Serbisë po i ngutet për tre arsye, njëra ngase Vuçiç dëshiron të merret vesh me Thaçin para se Kosova të bëhet me ushtri e në anën tjetër pasi që nuk dihet e ardhmja e karrierës së Thaçit, e për këtë mundohen ta shfrytëzojnë sa ai është president.
“Dialogu i Thaçit dhe Vuçiqit, që po synon të bëhet marrëveshje historike për pajtim, po nis në kohën kur pritet të publikohen aktakuzat e para të Gjykatës Speciale. Thaçi, si i përfoluri i raportit të Dick Martyt, duhet të tërhiqet sa më parë. Presidenti serb e ka bërë të qartë se Serbia don sa më parë marrëveshje kompromisi për Kosovën, ku secila palë merr diçka”, tha Sveçla.
