Një 49- vjeçar i dënuar për vrasje me dashje në burgun e Peqinit i ka dhënë fund jetës gjatë ditës së djeshme, duke u vetëvarur.
Drejtoria e Përgjithshme e Burgjeve njofton se “më datë 10.07.2016, në burgun e sigurisë se lartë I.E.V.P Peqin, ka kryer aktin e vetëvarjes në tualetin e dhomës, Fatmir Myftari, i biri i Asim, lindur më 30.01.1967, në fshatin Vlosh të Komunës Kurjan, Fier, i dënuar me 20 vjet heqje lirie, siguria e lartë “Vrasje me Dashje”, të cilit i kishin mbetur dhe 6 vjet e 3 muaj”.
Fatmir Myftari nuk ka mundur të mbijetojë edhe pse u dërgua menjëherë në Spitalin Peqinit.
Drejtoria e Burgjeve ka pohuar se i dënuari ishte me probleme të shëndetit mendor dhe situata socio-ekonomike e viktimës ishte shumë e dobët. Gjithashtu ai nuk i kishte takuar asnjëherë familjarët e tij pasi ata e kishin refuzuar për shkak të veprës penale që Myftari kishte kryer.
