Vetëm 70 anëtarë të skuadrës olimpike të Rusisë fluturuan drejt Brazilit për të marrë pjesë në Lojërat Olimpike Rio 2016, ndërsa të tjerët do të qëndrojnë në shtëpi, kjo për shkak se janë dënuar për doping.
Sportistë të volejbollit, hendbollit, boksit, notit dhe ping-pongut u panë në Aeroportin Sheremetyevo.
Agjencia Botërore e Anti-Dopingut (WADA) kërkoi që Rusia të dënohej komplet nga Lojërat.
Por Komiteti Ndërkombëtar Olimpik ia la vetë Federatave Sportive të vendosnin.
Edhe pse ky vendim u kritikua, disa sportistë të skuadrës ruse u nisën nga aeroporti gati për Lojërat në Rio, megjithatë nga 387 që Rusia shpresonte të dërgonte në Brazil, vetëm 70 prej tyre mundën.
Presidenti rus Vladimir Putin tha se kjo ishte një fushatë kundër atletëve rusë, dhe se medaljeve në Rio-s do t’i bjerë vlera pas mungesës së atletëve rusë.
