Johana Sinani dhe Evald Bejaj, të cilët mbajnë varur në qafë kartën e Inspektorit Shtetëror Shëndetësor, sot kanë vendosur gjobë me vlerë mbi 3 milionë në Tiranë në emër të aksionit “anti-duhan”.
Por siç duket qartazi në kartat e tyre, e drejta e ushtrimit të profesionit u ka skaduar, njërit më 31.12.2019 dhe tjetrit më 31.12.2017.
Johana Sinani dhe Evald Bejaj, përtej çdo afati ligjor dhe në shkelje flagrante të ligjit janë veçse dy taksidarë e gjobaxhinj që vjedhin paratë e bizneseve dhe nuk dihet se ku i çojnë pa u shqetësuar nga askush.
ÇFARË THUHET NË NENIN 27 të LIGJIT PËR INSPEKTIMIN
“Inspektimi bëhet me një autorizim të lëshuar nga drejtuesi territorial. Autorizimi lëshohet për një periudhë të caktuar dhe pa autorizim mund të inspektohet vetëm në rastet që përcaktohen në pikën 2 të nenit 27.
Inspektimi mund të fillojë pa autorizimin, sipas pikës 1 të këtij neni, vetëm kur:
a) konstatohet në flagrancë nga inspektori shkelja e një kërkese ligjore, brenda fushës së tij të inspektimit;
b) inspektohet për rastin e ndodhjes së ngjarjeve, aksidenteve apo incidenteve, që kanë cenuar apo mund të cenojnë jetën a shëndetin e njerëzve, kafshëve apo mjedisin, parashikuar në shkronjën “ç” të pikës 1 të nenit 25 të këtij ligji;
c) inspektohet për rastet e parashikuara me ligjet e posaçme, që kryhen në pikat e kalimit kufitar;
ç) parashikohet shprehimisht nga ligji i posaçëm.”
Tashmë pritet reagimi i Vjollca Brahos, drejtoreshës së ISHSH sa i takon këtij rasti flagrant ku me një kartë çfarëdo në qafë mund të vjedhësh sa dhe kë të duash.
