Policia ka arrestuar pak çaste më parë personin e dyshuar për ngjarjen e shpërthimit në katin e dytë të një banese në zonën e “Vasil Shantos”. Në pranga ka përfunduar Arben Bardhi.
Shkak i kësaj ngjarjeje dyshohet të jetë një konflikt pronësie në lidhje me banesën së cilës iu vendos tritoli.
Policia thotë se ky shtetas mbrëmjen e djeshme, rreth orës 21:10, në rrugën “Mihal Popa”, dyshohet të ketë vendosur në derën e jashtme të banesës së një shtetasi një sasi lënde plasëse nga shpërthimi i së cilës u shkaktuan vetëm dëme materiale.
