Një granate dore është vendosur në hekurudhën Beograd-Tivar pranë Prijepoljes, ku për pasojë komunikacioni në këtë pjesë të linjës hekurudhore u ndalua këtë pasdite.
Mediat serbe raportojnë se një granatë dore është zbuluar tre kilometra nga qyteti, tek ura Ljupç, e lidhur me tel për shinat.
Ministria e Punëve të Brendshme e Serbisë konfirmuan se në Prijepolje, në hekurudhën Beograd-Tivar është gjetur një granatë dore, por mohoi informacionet e mediave vendore se bomba ka qenë me tel e lidhur për shinat.
Theksojnë se komunikacioni në këtë pjesë hekurudhore është ndaluar dhe se në vazhdim është hetimi, ndërsa pritet arritja e ekipeve për heqjen e granatës së dorës.
