Pas vendimit të dhënë nga Gjykata e Krimeve të Rënda për ish-ministrin e Brendshëm, Saimir Tahiri i cili u dënua me 3 vite shërbim prove ka reaguar Prokuroria për Krime të Rënda, ku tha se do të apelojnë vendimin.
Prokuroria kërkoi javën e shkuar dënimin prej 12 vitesh burgim, duke e akuzuar ish-ministrin për të paktën tre vepra të rënda: Trafik i narkotikëve kryer në bashkëpunim në formën e grupit të struktuar kriminal; Pjesëmarrje në grup të strukturuar kriminal dhe Kryerja e veprës në grup të strukturuar kriminal, akuza të cilat gjykata i rrëzoi.
