Ministria e Shëndetësisë ka marr një tjetër vendim për ta kthyer në karantinën e dytë të COVID 19 edhe spitalin “Shefqet Ndroqi”.
Drejtoresha e ISHP-se, Silva Bino njoftoi se në këtë spital ka dy raste të reja në radhët e personelit shëndetësor të prekur nga koronavirusi. Prandaj do të merren masa që stafi i prekur dhe i karantinuar tashmë të zëvendësohen me vullnetarë.
“Spitali Shefqet Ndroqi bëhet karantina e dytë për COVID 19, një nga masat që MSH po merr për ta zëvendësuar personelin e infektuar aty me vullnetarët e paraqitur”,- tha ajo.
Kujtojmë se deri më sot janë 55 në total të prekurit nga koronavirusi në vendin tonë. Numri më i lartë është në Tiranë, me 38 raste.
