Kuvendi i Kosovës do të mblidhet sot në një seancë të jashtëzakonshme për taksën për mallrat serbe, e cila pritet të mbahet në orën 11:00.
Pas paralajmërimit të kryeministrit të Kosovës, Albin Kurti, për heqjen e tarifës 100%, Aleanca për Ardhmërinë e Kosovës ka kërkuar këtë seancë. Ditë më parë, deputeti nga radhët e AAK-së, Daut Haradinaj ka reaguar ashpër ndaj vendimit të Kurtit për heqjen e taksës, ku tha se Kurti është një mashtrues i madh publik.
Kujtojmë se Kurti pak ditë më parë pranoi të hiqej pjesërisht taksa për mallrat serbe, dhe konkretisht ajo për lëndën e parë.
