Talentet shqiptare që kanë bërë bujë në mbarë botën janë të shumta, ku ndër më të arrirat mbeten këngëtarët si Dua Lipa, Rita Ora, Ava Max që kanë shkundur skenat ndërkombëtare.
Epo një tërmet të vërtetë kanë shkaktuar dhe dy vëllezër shqiptarë duke ngritur publikun e “America’s Got Talent” në këmbë. Akrobatët Arnold dhe Artan Balla realizuan me sukses performancën e vështirë në skenën e America’s Got Talent, duke treguar sërish se Shqipëria ka talente të mëdha.
E gjithë performanca e tyre u shoqërua nga emocione dhe frikë, duke ndjekur çdo sekondë se çfarë do të ofronin. Juria e përbërë nga Simon Cowell, Heidi Klum dhe Sofia Vergara u mahnitën dhe dhanë opinione shumë pozitive për dy të rinjtë. Djemtë siguruan tre “PO” për në raundin tjetër të spektaklit.
Dy vëllezërit merren prej vitesh me akrobaci, edhe pse kanë studiuar në degë të tjera. Arnoldi 25 vjeç ka mbaruar shkollën për dizajn, ndërsa Artani 20 vjeç studion për juridik.
“Ditën do jem avokat, natën do jap shfaqje”, tha vëllai i vogël, Artani, i cili studion drejtësi.
View this post on Instagram
