Ashtu sikurse u njoftua më herët nga kryeminstri i vendit Edi Rama, Drejtori i Policisë Ardi Veliu konfirmoi se që sot siguria e aeroportit “Nënë Tereza” do të merret përsipër nga Komisariati i Policisë së Rinasit.
Në një deklaratë për mediat nga Rinasi, Veliu u shpreh se Komisariati i Rinasit krahas detyrave për kontrollin e kufirit do të ketë dhe menaxhimin e sigurisë në aeroportin “Nënë Tereza”.
“Shefi i komisariatit të policisë së Rinasit krahas detyrave funksionale që do të ketë për kontrollin e menaxhimit të kufirit merr edhe përgjegjësinë e drejtimit, menaxhimit, kontrollit dhe bashkëpunimit me kompaninë e sigurisë në aeroport për të bërë të mundur kthimin e sigurisë në ato parametra që kërkojnë qytetarët por edhe standardi i Aviacionit Civil”, shprehet Veliu.
