Firma që po kryen punimet për projektin “Veliera”, në qytetin e Durrësit, ka hedhur sot sasi të mëdha dheu dhe inertesh në bregdetin e qytetit.
Në muajin dhjetor të vitit që lamë pas, dheu i përzier me ujëra nëntokësorë, si dhe inertet nga prishja e objekteve, u hodhën gjithashtu në bregdet. “Raporto ndotjen mjedisore” vuri në dijeni Inspektoriatin Shtetëror të Ujërave, të cilët njoftuan se pas denoncimit të rastit, kishin marrë masa duke gjobitur kompaninë përgjegjëse.
Edhe pas marrjes së masës administrative, ka vazhduar hedhja në det e dherave dhe inerteve që vijnë nga gërmimi për hapjen e tunelit nëntokësor të projektit “Veliera”.
