Kryeqyteti është përfshirë nga reshjet e shiut që prej orëve të para të mëngjesit. Intensiteti i lartë i tyre ka krijuar prezencë të madhe të ujit në disa rrugë dhe probleme në qarkullim.
Zonat më problematike janë “Don Bosko”, Parku i Autobusëve, pallati me Shigjeta, zona e Selitës. Uji ka vërshuar rrugëve duke bllokuar qarkullimin.
Emergjencat informojnë se zonat më problematike që kanë prezencë të rritur të ujit janë tek Muzeu Kombëtar, “Misto Mame”, Qafë Kashar dhe në qytetin e Kamzës.
Shirat kanë shkaktuar probleme në qarkullimin e automjeteve dhe lëvizjen normale të qytetarëve në qytetin e Tiranës.
Kryetari i Bashkisë së Tiranës apelon qytetarët që për çdo emergjencë të telefonojnë në numrin 112.
Veliaj deklaroi se: “Për cdo nevojë TEL 112 – numri unik i emergjencave. Në terren kanë qenë disa punonjës, punonjësit e ndërmarrjes nr 2, polici bashkiake dhe zjarrëfikëse”.
Bashkia e Tiranës bën me dije se 500 punonjës janë në terren për të normalizuar gjendjen e përmbytjes të shkaktuara nga rreshjet e shumta të shiut.
