“Në protestë persona me imunitet dhe të armatosur”
Do të fitojë qytetërimi. Kështu e mbylli prononciumin e tij për mediat kryetari I bashkisë së Tiranës Erion Veliaj, I cili vizitoi në Spitalin e Traumës, punonjësit bashkiakë të lënduar gjatë protestës së sotme të opozitës. Secili drejtues e bëri zgjedhjen tek të tijtë tha Veliaj duke ju referuar qëndrimit të kreut të opozitës Lulzim Basha. Ndërkohë ai foli edhe për deputetin Strazimiri, duke thënë se në protestë kishte persona me imunitet që mbanin armë. Ndërkohë për Çim Babasin, i ndaluar gjatë protestës, Veliaj tha se ai ishte atje pasi është në konflikt të pastër me Bashkinë Tiranë. Kreu i Bashkisë kujtoi parkingun pranë Stadiumit Dinamo, i cili administrohej nga Babasi por u mor nga Bashkia. “Për të parë sa ambjentalist është Babasi mjafton të shikoni Krujën e Fushë Krujën”, tha Veliaj.
