Tirana do të ketë për pak ditë parkingun e parë publik nëntokësor. Bashkia e Tiranës është duke i dhënë dorën e fundit edhe detajeve më të vogla parkingut tek ish-Stacioni i Trenit në Bulevardin e Ri, që do ketë një kapacitet për 310 makina.
Lajmin e bënë të ditur vetë kryetari i Bashkisë së Tiranës, Erion Veliaj, i cili ka postuar disa foto nga parkimi nëntokësor, ndërsa shprehet se punimet janë drejt fundit.
“Edhe pak ditë punë për parkimin gjigand nëntokësor tek Bulevardi i Ri. Zgjidhje për gjithë zonën e trenit. Punë për një Tiranë moderne!”- shkruan Veliaj.
