Ka përfunduar rikonstruksioni i “Rrugës së Kosovarëve”, pranë digës së Liqenit Artificial në Tiranë, investim ky i bërë nga të ardhurat e mbledhura nga taksa e parkingjeve publike në kryeqytet.
“Kjo rrugë është përuruar disa herë nga bashkia e mëparshme. Por, merr fund saga 5-vjeçare. Për këtë rrugë kanë paguar qytetarët me të ardhurat e këtij viti nga agjencia e parkingjeve. 100 lekëshat që kanë paguar në parkingjet publike të bashkisë janë përkthyer në korsi biçikletash, trotuare dhe rrugë si kjo”, tha kryebashkiaku i Tiranës, Erjon Veliaj.
