Kryetari i Bashkisë së Tiranës, Erion Veliaj, ka nënshkruar një peticionin për Vetting-un.
Veliaj apeloi qytetarët ti bashkohen kësaj nisme, për ti dhënë fund ankandeve nëpër gjykata ku drejtësia e blen ai që ka.
Kreybashkiaku shtoi se, bashkë me shumicën e qytetarëve, nuk do të lejojë që “një minorancë e zhurmshme t’i imponohet një shumice të heshtur”.
“Të mbledhim 1 milion firma për vetting-un dhe reformën në drejtësi. Do të kishim bërë më shumë punë nëse nuk do të kishim bllokim nga gjykatat. Ndërtuam një urë të re, gjykata për çdo këmbë të urës kishte shpallur nga një pronar. Ne nuk kemi buxhet në Bashkinë e Tiranës për të korruptuar gjyqtarët. Falenderoj qytetarët për angazhimin”, tha Veliaj.
