Segmenti i Unazës së Madhe është pasuruar ditën e sotme edhe me 100 pemë të reja të llojit selvi.
Kreu i Bashkisë së Tiranës, Erion Veliaj, e cilësoi mbjelljen e 100 selvive si një ogur i mirë për vijimin e aksionit dhe shtoi se ky vit do të jetë edhe më i suksesshëm se viti që lamë pas.
Ai theksoi se çdo individ që ka një rast gëzimi në familje apo në jetën e tij mund ta përjetësojë atë duke mbjellë një pemë.
“Kemi përgatitur një stinë shumë intensive mbjelljesh, e cila ka filluar që nga dita e parë e 2018 dhe do të vazhdojë deri sa të na lejojë stina. Kemi edhe pak javë që mund të kapim këtë rekord dhe nëse të gjithë qytetarët do të na ndihmojnë, them do e kapim dhe do e tejkalojmë. Kjo varet nga sa solidaritet do kemi me njëri-tjetrin”, tha kreu i Bashkisë së Tiranës.
