Ultimatumi i kryebashkiakut për të penguar me çdo kusht ndërtimet në këtë zonë
Kryetari i Bashkisë së Tiranës, Erjon Veliaj, tha sot se nuk do të ketë ndërtime në zonën e digës së liqenit. Gjatë konsultës publike për projektin e sheshit “Skënderbej”, Erion Veliaj, kërkoi nga gjykata të mos tundohet për të vendosur të kundërtën duke theksuar se nuk i intereson sa para do të derdhen për gjyqe, por i intereson ajo se çfarë thonë qytetarët.” Për këdo që ndoshta nuk është i qartë nga ajo që kam thënë deri tani le ta them qartë, tani e përherë: Ndërtime tek diga nuk do të ketë. Pikë! Pikë! Dhe nuk më intereson fare, nuk më intereson fare se çfarë mund të gatuajë një gjykatë, sesa mund të tundohen gjyqtarë, sesa para derdhen për këto gjyqe, nuk më intereson fare. Më intereson populli i Tiranës, nëse populli i Tiranës nuk e do nuk do të ketë ndërtim tek diga e liqenit. Sot u habita se protesta mu duk jo përfaqësuese dhe më vinte në një moment të dilja të dritarja dhe thashë po Abin, Zenin dhe Jarin ku e keni se duhet të dalin të gjithë pronarët jo vetëm disa.
Megjithatë pronarët edhe të vërtetët edhe gjysmakët që erdhën sot, ne fillimisht do të ballafaqohemi. I bëj thirrje gjykatës të mos tundohet. Turpi ndaj tradhtisë së popullit tënd është shumë herë më i fuqishëm se asprat që mund të japë dikush në gjykatë. Besoj që do të jemi këtu atë ditë kur jo vetëm gropa do të mbyllet por të gjitha terrenet tek diga do të kthehen në fusha sportive dhe në kënde për fëmijët e qytetit sic i ka hije qytetit”, tha Veliaj.
