Kreu i Bashkisë së Tiranës, Erion Veliaj, ka liruar nga detyra katër administratorë të Njësive Bashkiake.
Bëhet me dije se vendimi ka ardhur pas refuzimit të LSI për të mbështetur projektet e Bashkisë së Tiranës në mbledhjet e Këshillit Bashkiak. Kryebashkiaku ka falenderuar katër administratorët e LSI për kontributin dy vjeçar në Bashki.
Veliaj ka vlerësuar edhe dy këshilltarët e opozitës, të cilët sot bashkuan votat me shumicën duke bërë të mundur miratimin e projektvendimeve të rendit të ditës.
“Mirënjohje për dy këshilltarët e opozitës, votuan qytetin mbi partitë”, u shpreh Veliaj gjatë takimit me administratorët e katër njësive, të cilëve iu komunikoi largimin nga detyra.
Administratorët e larguar
Njësia 2 – Elez Gjoza
Njësia 8 – Erjon Xhafa
Njësia 11 – Gentian Arapi
Bërzhitë – Refik Velia
