Gjatë inspektimit të punimeve për përmirësimin e rrjetit të ujësjellës-kanalizimeve në Shkozë, kryebashkiaku Erion Veliaj u shpreh se banorët e Tiranës duhet të bëjnë kujdes me ujin e pijshëm, pasi moti shumë i nxehtë dhe i thatë ka sjellë probleme në furnizimin me ujë.
Bashkia e Tiranës dhe Ujësjellës Kanalizime Tiranë kanë ndërmarrë dy projekte të mëdha të ndërtimit të rrjeteve të rinj të ujësjellësit dhe atij të kanalizimeve në zonën e Shkozës së Sipërme deri në Lanabregas, që përfshin një sipërfaqe deri në 53 hektarë.
Ai kërkoi mirëkuptimin e banorëve për shqetësimin që mund të shkaktojnë ndërmarrjet e Bashkisë së Tiranës gjatë kryerjes së punimeve për realizimin e këtyre investimeve të cilat shkojnë në interes të qytetarëve.
