Bashkia Tiranë edhe shërbimin më të vogël e merr përmes tenderëve, pasi kjo është një mënyrë që mund të vjedhë më lehtë para, dhe qytetarët të mos e kuptojnë. Këtë herë Veliaj ka vendosur të shpenzojë 12 milionë lekë për blerje pajisjesh ndriçimi. Pra, kryebashkiaku i Tiranës ndriçon ambientin e tij, por fik xhepat e qytetarëve me taksat që iu vlen dhe me faktin që në kohë krize shpenzon fondet pa kriter.
Bëhet fjalë për tenderin REF-12281-11-19-2021, me objekt “Blerje materiale ndriçimi” dhe me vlerë 12 499 932,00 lekë. Në dokumentin ku është shpallur fituesi, Bashkia Tiranë shprehet se; ky tender ishte i nevojshëm sepse materialet e ndriçimit janë të domosdoshme për Autoritetin Kontraktor, Bashkia Tiranë e cila ka për detyrë të plotësojë kërkesat/ nevojat e institucionit për te patur kushte të përshtatshme pune.
Thua deri më tani punonjësit e bashkisë kanë punuar në kushte të vështira pune apo pa ndriçim të mirë, kur në fakt mjafton një xhiro afër bashkisë në mbrëmje dhe vërehet se edhe mbi tarracë, edhe në hapësirat përreth ndriçimi është super i lartë. Madje ndryshe nga dritat e rrugëve, ku kalojnë qytetarët, që bashkia i fik çdo natë për kursim, ato të godinës së saj rrinë 24 orë ndezur. Pra 12 milionë lekë për llamba, veprim që vetëm Veliaj mund ta bëjë.
Fitues i paracaktuar
Në këtë tender vërehen një sërë shkeljes që e rendisin atë automatikisht në kontratat me “Red Flag” dhe lënë të kuptosh se fituesi ka qenë i paracaktuar. Përveç faktit që përmendëm më lartë, që Veliaj ka abuzuar me fondin limit për këtë tender, evidentohet se nuk është zhvilluar në garë e mirëfilltë dhe komfort ligjit për këtë konkretë.
Kjo pasi Bashkia Tiranë ka kualifikuar pa të drejtë 3 kompani të tjera përmes kritereve burokratike dhe ka shpallur menjëherë fitues kompaninë. “A.K.M ALBANIAN INVESTMENT GROUP” Shpk. Ajo çka bie në sy është se vetëm për një kompani bashkia ka dhënë arsyet e skualifikimit, të cilat nuk qëndrojnë sipas ligjit. Ndërsa për 2 kompanitë e tjera nuk ka dhënë asnjë argument që mund të mbështesë skualifikimin nga gara.
Ndërkohë shkelje tjetër është se është pranuar si fitues kompania që ka paraqitur vlerën 11. 874. 070,00 lekë, të përafërt me fondin limit. Ndërsa pa iu lënë hapësira të garojnë janë skualifikuar kompanitë që kanë marrë përsipër të kryejnë këtë shërbime me një shumë më pak se 10 milionë lekë.
Pra, vetë ligji kërkon që të merren parasysh ofertat më të lira, por si gjithmonë Veliaj zgjidh qesen mirë, pasi në çdo kontratë ka dhe një përqindje fitimi për xhepat e tij./ E.H/ Gijotina.com/
