Kreu i bashkisë së Tiranës, Erion Veliaj është shprehur se çdo ndërtim i ri në Tiranë do të ketë akses të plotë për personat me aftësi të kufizuar.
Në aktivitetin me temë “Të ndryshëm por të barabartë”, Veliaj theksoi se për herë të parë, në pesë kopshte të Tiranës janë krijuar hapësira të veçanta të dedikuara për fëmijët me aftësi të kufizuara, projekt që po shtrihet edhe në çerdhe dhe në kopshtet e tjera të kryeqyteit.
Veliaj deklaroi se Bashkia e Tiranës synon promovimin e jetesës së pavarur nëpërmjet aftësimit për jetën dhe aftësimit për punësim, përmes pjesëmarrjes së tyre në programet e nxitjes së punësimit, programe që u mundësojnë të rinjve të fitojnë përvojë profesionale në sektorin privat dhe publik.
