Bashkia e Tiranës ka nisur konsultimin për projektbuxhetin e vitit 2018. Kryebashkiaku Erion Veliaj e cilëson si më të madhin në historinë e Tiranës.
“Vitin që vjen do ndërtojmë 19 shkolla të reja në Tiranë, për të zgjidhur përfundimisht çështjen e arsimit me dy turne në qytetin tonë dhe për t’i dhënë edhe kësaj lagjeje, përveç shkollave aktuale që do të rikonstruktohen, do të kemi edhe një shkollë të re shtesë, që përfundimisht Njësia 7 të shpëtojë po ashtu nga mësimi me dy turne”, u shpreh kryebashkiaku.
Veliaj theksoi gjithashtu se gjelbërimi i qytetit mbetet një sfidë edhe për këtë vit.
Kreu i bashksië renditi te projektet madhore edhe rikonstruksionin dhe vënien në punë të Piramidës, si një qendër që do i shërbejë më shumë kulturë dhe rinisë.
