Nga Vehap Kola
Lindja e Jezusit, Isait, për ne myslimanët është një ngjarje e madhe.
Ajo është një ndër shenjat e mëdha të Zotit dhe paralajmërim për ardhjen e Profetit të fundit dhe mbylljen e Shpalljes Hyjnore.
Jezusi/Isai është një ndër 5 profetët qëndrestarë, krah Nuhut (Noes), Ibrahimit (Abrahamit), Musait (Moisiut) dhe Muhamedit, paqja e Zotit i shoqëroftë!
Aq qendror është vendi i tij në fenë islame sa ai rikthehet në fund të kohës (botës) dhe luan një rol përcaktues të triumfin e të vërtetës dhe drejtësisë.
Myslimanët kanë po aq arsye sa të krishterët ta festojnë lindjen e një profeti kaq të madh, veçanërisht sot që shfaqja dhe dëshmimi i fesë dhe besimit në sferën publike është bërë një gjë shumë e vështirë.
Për lindjen e tij ne nuk kemi asnjë dallim teologjik.
Prandaj, gëzuar ditën që lindi Jezusi/Isai për gjithë miqtë e mi të krishterë dhe myslimanë!
