Thonë që një njeri kur është në prag të vdekjes dhe shpëton ka “lindur për herë të dytë”, por një 63-vjeçare në SHBA ka arritur të shpëtojë 10 herë nga vdekja në 19 vite.
Sipas Daily Mail, mësuesja 63 vjeçare, tashmë në pension vuante nga një sëmundje e rrallë e muskujve të zemrës. Asaj i është vendosur prej vitit 2003 një defibrilator, një pajisje që i jep impulse zemrës, kur ajo pushon.
Pajisja zakonisht përdoret një herë gjatë gjithë jetës së pacienit. Por gruaja e paidentifikuar nga Minnesota ka shpëtuar plot 10 herë prej saj në 19 vitet e fundit.
Në një rast zemra e saj ndali për plot 18 sekonda.
Doktorët në qendrën mjekësore Tufts në Boston shprehen se rasti i gruas në fjalë tregon fare mirë fuqinë dhe rezistencën e defibrilatorit për të shpëtuar jetë.
Një pajisje e ngjashme i është vendosur dhe futbollistit danez Christian Eriksen, zemra e të cilit pushoi për 5 minuta gjatë ndeshjes së Europianit, majin e kaluar.
