Sipas Policisë, vdekja e biznesmenit të kromit, Murat Duriçit në Bulqizë ka ardhur si pasojë e një aksidenti ku M.C, 45 vjeç, banues në Bulqizë, duke drejtuar automjetin tip “Ford”, ka përplasur 53-vjeçarin që po ecte në këmbë këmbësorin, ku si pasojë ka humbur jetën.
Më tej, policia njofton se drejtuesi i automjetit pasi ka shkaktuar aksidentin është larguar nga vendi i ngjarjes, por është bërë e mundur që brenda pak minutash të kapet dhe vihet në pranga, ndërsa është shoqëruar në komisariat për të dhënë sqarime.
Ngjarja ka ndodhur rreth orës 21:00 të mbrëmjes sotme në qytetin e ri të Bulqizës.
“Rreth orës 21.00, në qytetin e ri të Bulqizës, shtetasi M.C, 45 vjeç, banues në Bulqizë, duke drejtuar automjetin tip ‘ford’, ka përplasur këmbësorin M. D., ku si pasojë ka humbur jetën. Drejtuesi i automjetit pas aksidentit ka braktisur automjetin duke u larguar nga vendi i ngjarjes, ku pas kërkimeve nga ana e policisë është bërë e mundur kapja dhe shoqërimi i tij në komisariat. Grupi hetimor vijon hetimet për zbardhjen e shkaqeve të aksidentit”, njofton Policia.
Paraprakisht ngjarja u njoftua nga disa kalimtarë të rastit, të cilët kanë njoftuar policinë dhe ambulancën. Në këto momente mësohet se Driçi kishte shenja jete por burime bëjnë me dije se ka vdekur rrugës për në spital ndësa Policia nuk jep detaje më të hollësishme.
