Policia ka reaguar lidhur me tragjedinë e shënuar mëngjesin e sotëm në qytetin e Elbasanit, ku një 34- vjeçar ka ndërruar jetë në ujërat termalë të llixhave, si pasojë e asfiksimit.
Policia njofton se i riu nga Tirana, i identifikuar me emrin Alban Pashollari iu gjet në gjendje të rëndë shëndetësore në rezervuarin e mbushur me ujë termal.
Fillimisht i riu nga Tirana ka humbur ndjenjat dhe është dërguar në spital, por nuk ka mundur të mbijetojë.
Ende nuk dihen rrethanat e sakta, të ngjarjes por dyshohet se viktima së bashku me një mikun e tij, t’i kenë hapur vetë rubinetat dhe të kenë mbushur vaskat. Grupi hetimor po punon për dokumentimin e plotë të rrethanave të ngjarjes.
