Gjykata lë në burg 3 punonjësit e portit që akuzohen për “shkelje të rregullave të mbrojtjes në punë”, ku për pasojë humbi jetën 19 vjeçari Rufan Belshaku. Gjyqtar i kësaj çështje ishte Markelian Koça.
Ndaj 3 punonjësve të akuzuar janë marrë masat respektive ku Nazmi Varaku ka marrë “Arrest me Burg” sipas nenit 289 të kodit penal, Rendi Biçaku sipas nenit 289 kodit penal ka marrë ”Arrest me burg” dhe për Bledar Troplinin “Arrest me burg” sipas të njëjtit kod penal.
Nga informacionet në Gjykatës së Shkallës së Parë të Rrethit Gjyqësor Durrës, rezulton që tre shtetasit nuk kanë folur për të kundërshtuar apo të kishin pretendime ndaj vendimit.
Kujtojmë se më herët Specialistët për Hetimin e Krimeve të Komisariatit të Policisë Durrës këta persona u arrestuan në flagrancë pak ditë më parë, për veprën penale “Shkelja e rregullave të mbrojtjes në punë”.
Arrestimi i këtyre shtetasve u bë sepse, për shkak të moszbatimit të rregullave të mbrojtjes në punë, në vendin e quajtur “Sheshi i Kontenierëve” në portin e Durrësit, punonjësi i kësaj firme, shtetasi Rufan Belshaku është aksidentuar me pasojë vdekjen, nga një mjet pune i kësaj firme, që po drejtohej nga shtetasi Nazmi Varaku.
