Në qarkun e Kukësit deri në mëngjesin e kësaj të hënë mbeten aktive disa vatra. Bëhet e ditur se situata e zjarrit të rënë tek Maja e Rrunës, vijon që të jetë problematike. Po ashtu, vatra e zjarrit e cila ka ardhur nga territori i bashkisë Fushars në vendin e quajtur Maja e Zezë vazhdon të jetë aktive.
Sot janë angazhuar për izolimin e kësaj vatre zjarri 10 zjarrëfikës,10 punonjës të pyjores dhe Nj.Ad Malzi, si dhe 15 forca të DMR-së Kukës.
Kurse, në bashkinë Tropojë zjarri i rënë më 21 gusht në vendin e quajtur Lugu i Nërmajave fshati Peraj është izoluar plotësisht dhe po mbahet nën vëzhgim. Situata në bashkinë Has është e qetë.
