Në 24 orët e fundit kanë rezultuar pozitivë 21 persona, të gjithë në kryeqytet, ndërsa për herë të parë që nga nisja e pandemisë nuk ka asnjë të infektuar në rrethe.
Nga 13 të infektuar me koronavirus në QSUT në 24 orët e fundit, 7 prej tyre janë personel shëndetësor ndërsa 6 të tjerët janë pacientë. Mësohet se janë kryer gjithsej 22 tamponë në QSUT pasi një infermiere rezultoi pozitive 2 ditë më parë.
Në radhët e personelit shëndetësor mësohet se janë konfirmuar pozitivë 2 mjekë dhe 5 infermierë. Nga personat e infektuar pozitivë ditën e sotme, 9 janë pa simptoma të vetëizoluar në shtëpi, ndërsa 4 të tjerë po marrin trajtim mjekësor në QSUT.
