Nënkryetari i LSI-së, Petrit Vasili i ka bërë thirrje qeverisë që të marrë masa, ndërsa thekson se koronavirusi është emergjencë dhe jo rutinë.
Përmes një postimi në “Facebook”, Vasili shkruan se qeveria duhet të vërë në dispozicion të gjitha paratë që duhen për përmbushjen e plotë të mungesave skandaloze në materiale mjekësore.
REAGIMI I VASILIT
Qeveri zgjohu, coronavirusi është emergjencë dhe jo rutinë!
Coronavirusi si një emergjencë e jashtëzakonshme shëndetësore dhe që po shtrihet frikshëm në Europë duhet trajtuar si e tillë, pra si emergjencë shumë serioze dhe tepër e komplikuar.
është e qartë se Qeveria shqiptare lidhur me financimin e kësaj emergjence globale po e trajton atë si rutinë dhe me shpresën e sytë nga qielli duke thënë: hajt ishallah mbaron dhe ja hedhim pa shpenzuar lekë.
Pikërisht në keto momente kritike, konstatimi i mungesës edhe në Qendrat Shendetësore në mes të Tiranës të materialeve me bazike si maska, doreza si dhe mungesa e ujit e alkolit dhe dezinfektanteve nuk është thjesht skandal është potencialisht Risk Kombëtar.
Edhe një vatër e vetme e neglizhuar mund të bëhet pika e shpërthimit te epidemisë me pasoja shumë të renda për gjithë vendin.
Coronavirusi nuk është rutinë është një emergjencë shumë e rëndë.
Qeveria duhet të vërë në dispozicion të gjitha paratë që duhen për përmbushjen e plotë të mungesave skandaloze në materiale mjekësore.
Qeveria në i mungofshin parate, le tua marrë oligarkëve, që ti mbrojë edhe ata vetë nga coronavirusi, i cili po shpërtheu nuk bën dallim mes oligarkut dhe njeriut të thjeshtë.
Qeveria duhet të kuptojë se me aq para’ sa ke vendosur deri tani nuk ka bërë thuajse asgjë përballimin e emergjencës nga coronavirusi.
Me coronavirusin nuk luhet, por luftohet.
është në lojë shëndeti i qindra mijë shqiptarëve.
Respekt dhe mbështetje pa fund personelit mjekësor që lufton në vijë të parë, ndonëse i pambrojtur dhe i papaguar si duhet.
