Nënkryetari i LSI, Petrit Vasili, ka reaguar mbi rolin e ONM, e cila, kujdeset për monitorimin e procesit të Vetingut në vend, pasi siç ai shprehet ONM është refuzuar sistematikisht për sugjerimet që ka bërë.
Vasili shkruan në statusin e tij në Facebook, se roli i ONM është zbehur, e për këtë, ai fajëson mazhorancën qeverisëse.
Postimi i plotë
Zbehja dhe anashkalimi sot e në vazhdimësi i rolit të ONM nga rilindja janë paralajmeruar shumë qartë, fort dhe zyrtarisht nga Ministria e Drejtësisë, që në muajt shkurt- mars të vitit 2017.
ONM u bë pjesë, ndonëse në mënyrë anormale, edhe e Kushtetutes së Shqipërisë si garanci e integritetit të zbatimin të Reformës në Drejtësi.
Me Dokumente zyrtare, instancat më të larta të BE-së në Bruksel dhe Delegacioni i BE në Tiranë si dhe Krerët më të lartë të shtetit janë paralajmëruar: se mosbërja e Marëveshjes Ndërkombëtare për ONM siç Kushtetuta e kërkonte do të sillte konfuzion, vonesa dhe paqartësi në përmbushjen e rolit kyc, që ONM kishte.
Gjithashtu Ndërkombëtarët u paralajmëruan se paqartësitë dhe prezenca politike në Bordin e Administrimit do të cënonte thellë përmbushjen e funksioneve të ONM.
Ministria e Drejtësisë insistoi gjatë në atë kohë në zbatimin një për një të Kushtetutës dhe Ligjit.
Por Ndërkombëtarët dhe qeveria e rilindjes u demostruam thellësisht refraktare dhe refuzuues që të reflektonin lidhur me këto shqetësime të forta parimore dhe të bazuara në Kushtetute e Ligj
Për pasojë ONM u përball që në fillim e deri sot me përbuzjen e maxhorancës rilindase, e cila realizoi kapjen e drejtësisë dhe deformimin e rëndë të qëllimit dhe përmbajtjes së Reformës në Drejtësi.
ONM ngriti shqetësime të mëdha për shumë kandidatë për KLGJ dhe KLP si krejt të papërshtatshem, por rilindasit i zgjodhën ata duke goditur rëndë integritetin e reformës dhe duke asgjësuar praktikisht rolin e ONM- së.Edhe në vazhdimësi ONM është refuzuar sistematikisht në sugjerimet e saj.
Dokumentet, që po publikojmë sot janë një provë e rëndë, që tregon se kur Kushtetuta dhe Ligji dhunohet pasojat janë shumë të rënda dhe afatgjata.
Ftoj Ndërkombëtarët në Shqipëri t’i rilexojnë këto Dokumenta dhe të nxjerrin mësimet e duhura në këtë moment tepër të vështirë në të cilin gjendet zbatimi i Reformës në Drejtësi.
