Kryetari i grupit parlamentar të LSI, Petrit Vasili ka deklaruar se nuk ka vendim për bojkot të Kuvendit, por do ketë protesta në të gjithë vendin.
I ftuar në “45 minuta”, Vasili sqaroi se protestat do kenë karakter ekonomik dhe shoqëror e do shtrihen në të gjithë vendin.
“Do të ketë protesta me fokus ekonomike dhe shoqërore në të gjithë vendin. Nuk ka vendim për bojkot të parlamentit. Ky është një sistem skllavërues taksash. I ka kritikuar edhe FMN, ka qenë një politikë e gabuar që ka dëmtuar dhe shkatërruar të varfrit dhe ka ndihmuar oligarkët. Shqipëria është vendi i parë në Europë për emigracionin të moshës 7-17 vjeç. Kjo është tragjedia më e madhe që po përjeton ky vend. Është raportuar sipas organizatave ndërkombëtare, sipas Zërit të Amerikës”.
