Nënkryetari i LSI, Petrit Vasili, tha se kriza në vend po shkatërron gjithçka dhe zgjedhjet janë i vetmi shpëtim.
Përmes një postimi në facebook, Vasili shkruan se kriza pa kthim duhet ndalur sot sepse dimensioni i saj është i tillë sa që çdo dritshkurtësi do të ishte vetëvrasëse.
Postimi i plotë:
Kriza në Shqipëri po shkatërron gjithshka.
Krizë shkatërrimtare përfaqësimi, e shtetit ligjor, e besimit, e kredibilitetit, ekonomike dhe sociale është kjo kriza e gjithëanshme dhe më e rënda e pluralizmit, që po torturon vendin.
Çdo lloj hezitimi, takticizmi apo tërheqje përpara sakrificave të domosdoshme e të paevitueshme për zgjidhjen e menjërshme të krizës është asgjë përpara efekteve të saj shkatërrimtare shumëvjecare.
Rreziku i një krize pa kthim është një fakt, është një imperative kritike dhe që kapërcen çdo lloj maxhorance.
Kriza pa kthim duhet ndalur sot sepse dimensioni i saj është i tillë sa që çdo dritshkurtësi do të ishte vetvrasëse.
Rilindja ka gatuar një krizë shumë të rëndë, që i leverdis vetëm asaj dhe qëllimeve të zeza të saj për të mbajtur në këmbë antishtetin, që e pasuron pa fund atë vetë dhe dekurajon një popull të tërë duke i lënë si zgjidhje largimin e deshpëruar jashtë vendit.
Përballja me krizën dhe rilindjen, që e prodhoi krizën është e pashmangshme.
Çdo ditë e humbur do të thotë një ditë më shumë në favor të rilindjes dhe shpopullimit kombëtar duke krijuar përfundimisht Shqipërinë me të keqe, që nuk i duhet me askujt dhe asnjë njeriu normal, por vetëm gangsterëve që kanë pushtuar sot qeverisjen e vendit.
Sot dhe vetëm sot të gjithë shqiptarët, që duan të shpëtojnë vendin, por veçanërisht të gjithë ata, që kanë përgjegjësinë të udhëheqin opozitën politike janë përpara një prove për ndershmërinë e tyre edhe individuale ndaj interesave të vendit.
Asnjë alibi nuk mund të ketë për askënd në rast se nuk e ndalin krizën sot.
Një ditë e humbur sot janë vite të tëra të humbura dhe të parikuperueshme nesër.
Qeverisja e nesërme nuk mund të ndërtohet mbi një shkatërrim pa kthim sot, sepse do bënte të pavlere e paefekt edhe qeverisjen që do të kishte qëllimet më të mira.
Shqipëria është sot si një i sëmurë në agoni dhe opozita ka detyrën që sot, menjëherë dhe me çdo çmim ta shpëtoje nga vdekja dhe jo të qajë e vajtoje mbi kufomën e saj.
Ka vetëm një ilaç, ka vetëm një kurë, ka vetëm një mjekim ai është zgjedhjet e lira dhe të ndershme sa më parë.
Shmangia nga ky mjekim i vetëm shpëtimtar, që janë zgjedhjet, do ta bënte bashkëfajtorë të gjithë…
