Numri 2 i LSI, Petrit Vasili, ka ironizuar deklaratat e Ramës ndaj vendimit të BE-së, për mos hapjen e negociatave.
Nëpërmjet një statusi në rrjete sociale, Vasili shkruan se “miut i duket vetja elefant”, ndërsa shtoi se kryeministri shqiptar, nuk e dinë ende se ku e ka vendin.
Postimi i Vasilit:
Miu “optimist, përpara elefanteve, që vetëm “dështojnë”!!
Rama çudit dhe veten e deklaron se BE ka dështuar:
“Nuk është hera e parë që dështojnë në mosdhënies e mundësisë për Konferencën e Parë.”
“Nuk jam aspak pesimist, edhe pse ata mund të dështojnë disa herë”.
“Ne nuk kemi dështuar, ata kanë dështuar”.
Rama është vërtet për të qarë hallin se nuk e di gjëkundi se ku e ka vendin.
Meqënëse ata që ka përqark e tallin, po ja themi fare qetë, është në fund fare të Europës ndaj edhe Europa tallet me këtë të fandaksur!!
Miut, që është i fundit në të gjitha dhe qesharak në gjithshka i duket vetja elefant.
Megjithatë miu është “optimist”, se ai përparon fort nëpër gjirizë, ndërsa elefantët europianë vetëm “dështojnë” në mirëqënien e tyre pa kufi.
