Petrit Vasili i ka propozuar qeverisë heqjen e dy taksave, atë të qarkullimit dhe të karbonit, në mënyrë që çmimi i naftës të jetë më i ulët.
Nëpërmjet një postimi në Facebook, Vasili shkruan se prej 2 ditësh e kanë çuar në Kuvend propozimin dhe shkruan se Rama ka miratuar dhjetëra akte normative në kohë rekord kur ka ndalë miliona euro për tendera.
“Edi Rama mirato propozimin për heqjen e dy taksave, boll u qurravite ne FB me regji te oligarkeve!(DOKUMENTI) Propozimi ynë për heqjen e dy taksave, Taksës se qarkullimit dhe te Taksës se karbonit nga nafta dhe benzina, është prej dy ditësh ne Kuvendin e Shqiperise.
Propozimi është aty ne institucionin vendimmarrës ne Kuvendin e Shqipërisë.
Edi Rama ka miratuar ne Kuvend dhjetra Akte Normative ne kohe rekord kur ka qene puna për te ndare qindra milionë euro për tendera dhe koncesione grabitqare dhe korruptive” shkruan Vasili.
Vasili shton se duhet të mblidhet urgjentisht Kuvendi dhe të miratohen këto propozime. Ai shton se qytetarët duan zgjidhje.
