Kreu i LSI, Petrit Vasili ka deklaruar se situata në vend është një situatë politike, e cila kërkon maturi
Në konferencën e parë për shtyp si kryetar i LSI-së, Vasili tha se kemi qenë dhe jemi në dispozicion të çdo zgjidhjeje që garanton zgjedhje të lira e të ndershme.
“Ajo çka ka rëndësi madhore për vendin është stabiliteti politik dhe jo e ardhmja e koalicionit PS-LSI. Së pari duhet të garantohen zgjedhjet e lira dhe të ndershme dhe më pas të mendohet për koalicionin”, u shpreh Vasili.
Vasili gjithashtu ka deklaruar se pavarësisht se Ilir Meta nuk do të jetë më kreu i LSI-së, ai deri në datën 23 korrik, para se të mandatohet, do të marrë një turn në gjithë vendin. Kjo sipas tij në shenjë falënderimi për të gjithë mbështetësit e tij.
