Ministri i Drejtësisë, Petrit Vasili tha se marrëdhënia e Operacionit Ndërkombëtar të Monitorimit është e përcaktuar në Kushtetutë sipas marrëveshjeve ndërkombëtare.
I ftuar në emisionin “Arena” Vasili tha se Kushtetuta e përcakton qartë që raportet me të do të ndërtohen sipas marrëveshjeve ndërkombëtare. ONM-ja në mënyrë jo të drejtë përdor si arsyetim një përkthim anglisht, gjë që nuk shkon, i cili thotë; marrëveshjet ndërkombëtare në fuqi.
“Ne kemi një Kushtetutë që ne duhet ta respektojmë. Këtu nuk ka vend për qëndrime politike, komente gjithfarësh, edhe banale në momente të caktuara.
Kushtetuta nuk flet për Bord të ONM-së. Nuk ka atribute, nuk ka asnjë kompetencë, nuk ka asnjë përgjegjësi. Dhe me shumë dashamirësi i është thënë që hajde i zbërthejmë të gjitha në marrëveshje dhe quajeni ç’të doni dhe t’i japim atribute. Po biem dakord!”, tha Vasili.
