Nënkryetari i LSI-së, Petrit Vasili vijon akuzuat ndaj kryeministrit Rama në lidhje me marrëveshjen e detit me Greqinë.
Në një status në Facebook, Vasili shkruan se Rama në vend që të mbrojë interesat e Shqipërisë doli dhe foli në mbrojtje të palës greke.
STATUSI I PLOTË
Rama si pazarxhi kufijsh dhe tradhëtia e tij për shitjen e Detit!
Shqiptarët në momente të tilla kur rreziku i shitjes së detit shqiptar është fakt prisnin trasparencë nga Kryeministri.
Duke pasur në konsideratë se Rama është i deklaruar si pazarxhi kufijsh shqetësimi mbarëkombëtar natyrshëm bëhet eksploziv.
Poshtërsia e Kryeministrit, që llogarinë politike të vetes e vë përpara interesit të shqiptarëve u shfaq hapur edhe këtë herë.
Bazuar mbi ligësinë e injorancës së qëllimshme Kryeministri u paraqit pa asnjë skrupull si një avokat i shkëlqyer palës greke dhe kundër interesave të Shqipërisë, duke e kryer këtë detyrë më mirë, më i motivuar por edhe më i pakujdesshëm në zellin e tij edhe se sa grekët vetë.
Kryeministri flet jo më larg nga dje, për një gjoja Marrëveshje për Detin, që na qenkësh bërë gati e që ishte shumë e mirë por “armiku i brendshëm” ja pengoi.
KM- ja thotë:
“qyshse negociatat tona me palën greke po materializoheshin në një dokument konkret, bazuar mbi normat ndërkombëtare dhe të drejtën e detit.
Deformimi skandaloz që iu bë asokohe një deklarate publike të Ministrit të Jashtëm grek për “zgjerimin nga 6 në 12 milje të ujrave detare të Greqisë” dhe sulmi i orkestruar kundër marrëveshjes së re për detin”.
Shqiptaret nuk dinë asgje për këtë të ashtuquajtur Mareveshje të re të fshehtë.
Ç’tradhëti ju ka mbajtur fshehur shqiptarëve Rama ?
Pse gjithmonë lajmet shqiptarët i marrin nga deklaratat greke që nga Ministri i Jashtëm Kocias dikur e deri te Dendias sot?
Përse Ministri i Jashtëm Edi Rama nuk udhëheq grupin negociator për Marrëveshjen e Detit ndërkohë që kur vjen fjala për kryesimin e OSBE shkon me vrap?
A mos Deti i Shqipërisë është për Ramën vetëm plaçkë tregu ndërsa kryesimi i OSBE instrument farse më i rëndësishëm?
Çfarë përmban Marreveshja e Re e fshehtë për detin për të cilën flet Rama?
A mos në bazë të kësaj marrëveshje të fshehtë flet sot pala greke?
Ndërkohë qeë këto pyetje të rënda nuk marrin përgjigje, Prof.Ksenofon Krisafi dje tha:
“Është alogjike dhe absurditet i padiskutueshem që të mendosh se Greqia do ta shtrijë gjerësinë e ujrave territoriale nga bregu i Korfuzit në drejtim të Sarandës në 12 milje detare.
Së pari nuk ka hapësirë të mjaftueshme për këtë gjerësi. Së dyti, në bazë të nenit të lartpërmendur të Konventës për të drejtën e detit, këtë të drejtë e ka në të njëjtën masë edhe Shqipëria. Sipas kësaj logjike të këtyre “specialisteve për gjithëçka” nuk del llogaria, sepse grekët do të duhet të dalin disa km mbi kodrat e Sarandës, kurse shqiptarët do të kapërcenin diku nga mesi i territorit tokësor të ishullit të Korfuzit” – thotë profesor Krisafi.
Rama i ka tradhëtuar shqiptarët dhe avokatia e tij e poshtër në mbeshtetje të deklaratave greke kontraston si nata me ditën me me prononcimin profesional dhe atdhetar të Prof.Krisafit.
KM-ja si një shitës profesionist kufijsh, që nga Shqipëria e deti e deri në Kosovë nuk mungoi edhe këtë radhë, që tradhëtinë e tij ta vendoste mes poshtërsisë dhe injorancës së qëllimshme.
