Personi që shihni në foto është Ilivi Meta, 31- vjeçari që vrau veten brenda komisariatit të policisë në Kavajë mbrëmjen e sotme.
Burime pranë 27.al bëjnë me dije se Meta, ishte ndaluar ditën e sotme nga policia pasi akuzohej për vjedhje.
Dyshohet se i riu ka vrarë veten me çarçaf.
Grupi i dhomës së paraburgimit ka tentuar të japë ndihmën e parë, por ka qenë e pamundur.
Mësohet se i riu ka qenë me precedent të mëparshëm penal pasi më herët ishte arrestuar për disa vjedhje.
“Më datë 04.05.2022, në Komisariatin e Policisë Kavajë, është gjetur nga shërbimet e Policisë i vetëvarur në dhomat e izolimit dhe si pasojë ka ndërruar jetë, shtetasi i ndaluar I. M., 31 vjeç, i cili është ndaluar ditën e sotme rreth orës 15:50 pasi Gjykata kishte vendosur ndaj tij masën e sigurisë “Arrest në burg”, për vjedhje.” – njofton policia.
Është ngritur një grup i posaçëm hetimor nën drejtimin e Prokurorisë së Rrethit Gjyqësor Kavajë i cili ndodhet në vendngjarje dhe po punon për sqarimin e rrethanave të ngjarjes.
