Kryetari i Bashkisë së Durrësit, Vangjush Dako këtë të enjte në Opinion ka folur për përgjimet e reja të publikuara nga gazeta gjermane Bild.
Dako ka thënë se nuk është duke folur në telefon me Astrit Avdylaj. Dako nuk ka thënë se kush është personi në anën tjetër të telefonatës së përgjuar, por shtoi se “një mendje e hollë e ka manipuluar” që të ngjajë se është Avdylaj.
“Në prokurori kam dhënë shpjegime për 5 orë dhe nuk janë marrë me përgjime telefonatash. Këtë e kam dëgjuar nga gazetat dhe mediat që kishte nxjerr përgjimet. Në audio përgjimet e publikuara nga gazeta gjermane Bild, Astrit Avdylaj nuk është duke folur me mua, nuk jam unë duke folur me Astrit Avdylaj .
Nuk jam dukle folur me Astrit Avdylin. Unë të sfidoj dhe të them gjeje ti me kë jam duke folur. Gjeje bashkë me gjermanin. Kjo tregon që një mendje e hollë e ka manipuluar për të krijuar një lidhje me pesë telefonata të tjera. Te të pesta është Astrit Avdyli, te e gjashta nuk është Avdyli. Përgjimi numër pesë që unë jam duke folur aty, nuk është Astrit Avdyli. “- tha Dako.
