Vandalizmi i njerëzve të papërgjegjshëm nuk ka munguar as në Parkun e Liqenit të Farkës, duke dëmtuar gjatë natës me dhjetëra pemë të sapo mbjella.
Siç shihet edhe nga këto foto, pas vandalizimit kjo pjesë e parkut është vërtet e trishtë, ndërsa në vendngjarje kanë shkuar edhe forcat e policisë, të cilat kanë nisur hetimet.
Në njësinë administrative Farkë, Bashkia e Tiranës ka mbjellë 3000 fidanë dru dekorativë e pyjore në territore publike, si dhe 2000 rrënjë fidanë ulliri. Parku i Farkës është kthyer në një atraksion natyror që shfrytëzohet jo vetëm si ambient çlodhës për komunitetin e shtuar të banorëve në këtë zonë, por edhe nga turistët ditorë për aktivitete sportive.
