Në Britaninë e Madhe ka nisur një tjetër testim masiv për vaksinën e koronavirusit. Ky është i treti testim i madh në vend, raporton BBC.
Vaksina, e cila po prodhohet nga kompania belge, Janssen, përdor një virus të zakonshëm të të ftohurës, i modifikuar gjenetikisht për të stërvitur sistemin imunitar.
Njoftimi vjen një javë pasi rezultatet paraprake trguan se një tjetër vaksinë ofron 90 përqind mbrojtje. Bëhet fjalë për vaksinën e kompanive Pfizer dhe Biontech.
Sipas BBC, për t’i dhënë fund një pandemie janë të nevojshme disa lloje vaksinash.
Suksesi i vaksinës së Pfizer ka sjellë gëzim në mbarë botën. Megjithatë, akoma nuk është miratuar për përdorim dhe nuk dihet sa funksionon te të moshuarit dhe sa zgjat imuniteti i saj.
