Alpinistja shqiptare ka arritur të pushtojë majën më të lartë të botës, Everestin. Në të njëjtën ditë në një përpjekje të ngjashme humbën jetën disa alpinistë dhe udhërrëfyes vendas, por Uta as që e mendojë të tërhiqej.
Ja si e përshkruan aventurën e kësaj çike të Kosovës një tjetër alpinisti dhe trajneri i saj që e ka për herë të dytë Everestin, Xhimi Begeja.
Miq e dashamirës, alpiniste e bjeshkëtarë të mbarë trevave shqiptare,
Sot në të gdhirë të datës 22 maj 2017 ora 05,05
Ajo e mposhti Everestin, ku sot ai mori jetën e katër alpinistëve nga bota.
Ajo nuk u tërhoq nga moti keq, por e gjunjëzoi Malin Vrasës me mësymjen e dytë.
Ajo për 15 minuta e ka Botën nën këmbët e saj .
Ajo nderoi një komb dhe vendosi Flamuri i Kombit tonë dhe të Kosovës si shqiptarja e parë.
Ajo nderoi veten dhe miqtë e saj.
Ajo nderoi dy prindërit e saj, motrat dhe vëllain.
Ajo nderoi alpinizmin e Shqipërisë, Kosovës dhe mbarë trevave shqipfolëse.
Ajo nderoi Shoqaten “Dajti Alpino Turistike” dhe gjithë anëtarët e saj si organizuesja dhe administratorja e ekspeditës “Femra Shqiptare në Everest”.
Ajo nderoi Shoqatën Bjeshkëtare Alpinistike “Pashtriku” për kontributin dhe financimin e dhënë.
Ajo nderoi Familjen Begeja si ideatore, mbështetëse dhe financues të saj.
Ajo nderoi të gjithë filantropët e kontribuesit, të cilët pa mbështetje dhe financimin e tyre nuk mund të shkohej deri këtu.
Ajo më nderoi mua si trajnerin e saj, si dhe drejtues dhe administrator i ekspeditës.
Ajo nderoi Liderin Tendi Sherpa dhe stafin e kompanisë “Tagnepal” që u treguan të jashtëzakonshëm përgjate kësaj periudhe në përgatitjen e saj në Himalaja dhe Bc Everest Nepal.
Ajo e bëri të sajën, por ky Komb me dy shtetet duhet ta respektojë dhe ta vlersojnë atë.
Zoti e bekoftë për karakterin dhe virtytet që ajo tregoi gjatë gjithë kësaj periudhe në Himalaja.
Arinetës dhe Nazit i urojmë të njëjtin fat.
Mua m’u plotësu dhe një ëndërr tjetër.
Miqësisht
Xhimi Begeja
Bc Everest
