Ministri Niko Peleshi po e lë mbrojtjen kibernetike në duart e drejtoreshës së AKSHI-t, Mirlinda Karcanaj. Kjo e fundit ka hapur një tender me objekt “Përmirësimi i sistemit financiar për Ministrinë e Mbrojtjes. Në lojë nuk janë pak, por 1.3 milionë euro. Sipas të dhënave të prokurimit, fituesi i tenderit do të shpallet me datë 27 janar dhe do t’i kalohen së pari 104 491 800 lekë (të reja) vetëm për implementimin e sistemit. Këto para do jepen për një punë që zgjat 9 muaj, sipas dokumenteve. Ndërsa pjesa tjetër me vlerë 34 059 260 lekë do t’i jepen firmës pas 9 muajsh, për mirëmbajtjen e sistemit. Kjo pikë e kontratës do të zgjasë deri në 2 vjet.
Të ishte për Peleshin, nuk do t’ia linte në dorë Mirlinda Karcanaj, por do t’i administronte vetë.
Sidomos, pas skandaleve të fundit me dështimin e AKSHI-t përballë hakerave që morën në dorë çdo të dhënë të qytetarëve, ky tender i AKSH-it në sektorin e mbrojtjes është absurd. Për më tepër AKSHI do të ndërhyjë në sistemin financiar të Ministrisë së Mbrojtjes, ç’ka e shton më shumë rrezikun dhe cenon sigurinë financiare të ushtrisë. Por, pavarësisht këtyre skandaleve, AKSHI vazhdon të bëjë tenderë me vlera të larta, për të ndërhyrë në sistemet e institucioneve shtetërore. Janë bërë edhe disa tenderë për rritjen e sigurisë së sistemeve, por në fakt ka qenë një dështim. Pasi vetëm disa javë më parë, hakerat iranianë kanë publikuar të dhëna nga një bankë e nivelit të dytë.
Por, eprori direkt i Mirlindës, kryeministri Rama me sa duket ia ka ulur veshët Peleshit, i cili pranon në heshtje që AKSHI të marrë në dorë të dhënat e NATO-s në Shqipëri.
Duke e ditur namin e keq të këtij institucioni për shkak të korrupsionit, nuk pritet që nga ky tender të bëhet një punë e denjë. Në vend që të sigurohet sistemi financiar i Mbrojtjes, mund të vihet në rrezik!
Sakaq, kujtojmë tenderët për mirëmbajtjen e sistemeve, AKSHI ia jep rëndomë kompanisë “INTECH +” apo klonevbe të saj të lidhura me politikanin e korruptuar Ilir Beqaj. Kujtojmë se ish- ministrit dhe zyrtarit aktual të Ramë i është hequr edhe një mandat deputeti për këto afera! Kur u bë ministër, Beqaj i shiti fiktivisht aksionet. Gjithsesi, pas çdo kontrate qëndron akoma dora e tij e pushtetshme. Por, pikërisht puna e dobët e kësaj kompani ka bërë që hakerat të marrin në duar të dhënat tona.
Pak ditë më parë Gijotina.com tregoi dhe skemën që mund të kenë përdorur hakerat për të ndërhyrë tek bankat. Kjo kompani u mor me ndërtimin e sistemit “goverment gateway” që ka si funksion shkëmbimin e informacionit mes institucioneve. Që rrjedhimit lë të kuptohet se po kjo firmë do të merret me sistemin e Ministrisë së Mbrojtjes. E ndërsa AKSHI degradon, këtë radhë rrezikohet institucioni i vetëm shqiptar që është i integruar me Perëndimin, me NATO-n!
Lexo edhe: U kap me drogë, punonjësja e AKSHI-t ishte kallëzuar më herët
