U raportua fillimisht nisi pushtimin tokësor të Gazës, Palestinës, por më pas burime ushtarake e përgënjeshtruan duke thënë se ka qenë një problem komunikimi me publikun.
Megjithatë luftimet e ashpra vazhdojnë.
Ka qenë Wall Street Journal që kishte mbledhur dëshmi nga banorët e Rripit të Gazës që trupat ushtarake kanë hyrë në veri të Gazës duke përparuar në terren me mjete të blinduara dhe tanke.
Kryeministri Benyamin Netanyahu në një mesazh në Twitter shkruan: “fjalën e fundit ende nuk e kemi thënë dhe ky operacion do të vazhdojë, përsa kohë të jetë i nevojshëm”.
Hamas ka raportuar 100 të vdekur, mes të cilëve 27 fëmijë. Në orët e fundit janë zbuluar trupat e një familje të tërë, mes të cilëve një grua shtatzënë. Sipas agjencisë palestineze të lajmeve Wafa, trupat janë gjetur në një zonë afër Gazës. Mes viktimave është dhe një baba me katër bijtë e tij.
Qindra banorë janë në arrati. Bilanci i përkohshëm i bombardimeve izraelite është 103 të vdekur, përfshi 27 fëmijë dhe 11 gra.
Hamas gjatë kësaj jave ka lëshuar në drejtim të Izraelit të paktën 1 500 raketa, ndërsa raportohen 10 hebrenj të vrarë.
