Është fotografi e vitit 1941, në të cilën shfaqet një ushtar gjerman që ka mbërritur në Selanik, ku pritet si hero e asfare si pushtues. Është një ndër mijëra fotografi që dëshmojnë bashkëpunimin e grekëve me gjermanët nazistë, akuzë të cilën grekët përpiqen t’ia faturojnë Çamërisë, kur në të vërtetë grekët dhe nazistët gjermanë, masakruan popullsinë e Çamërisë. Në një tjetër fotografi të publikuar gjithashtu nga historiani Arben Llalla, shfaqen oficerët gjermanë në festën kombëtare të Greqisë përkrah ushtarakëve të lartë grekë.
“Është data 25 Mars 1944, festa kombëtare e Greqisë, me rreth të kuq oficerët grekë, me rreth të verdhë oficerët gjermanë. Në të njëjtën ditë gjermanët dhe bashkëpuntorët e tyre grekë nisën nga Janina për në kampet e shfarrosjes në Austri e Gjermani, rreth 2.000 hebrenjë dhe çamë”, shkruan historiani Llalla.
Janë dokumente të pakundërshtueshme që nuk lënë hapësirë për asnjë dyshim, grekët bashkëpunuan me gjermanët, ndërsa çamët u bënë viktima të tyre bashkë me mijëra hebrenj u dërguan në kampet e përqendrimit të ngritura nga makineria vrastare e Hitlerit.
