5 ushtarë rus shfaqen shumë të revoltuar në media dhe kanë ngritur akuza ndaj Vladimir Putinit dhe Rusisë. Ata i thonë presidentit se janë përdorur “si mish për top”, në pushtimi ndaj Ukrainës. Në një konferencë për shtyp të transmetuar në TV ukrainas, pesë ushtarë mjaft të rinj, thanë se mbrojtësit ukrainas e thyen kolonën e tyre “në hi” pasi mbetën vetëm pa ushqim dhe pa karburant për pesë ditë.
“Ne duam të ndalojmë, duam t’i themi të vërtetën gjithë botës. Fëmijët po vdesin për asgjë, Putini është gënjeshtar. Unë dua të shkoj në shtëpi, nuk dua të jem këtu, më vjen turp! Ne jemi mish për topat, po vritemi nga avionët dhe artileria duke bombarduar qytete paqësore,” tha një ushtar.
Ata deklaruan se Putini i ka mashtruar për t’i dërguar në një luftë të pafitueshme dhe vazhdon të bëjë propagandë me gënjeshtra.
“Shoku president i Rusisë, ju po gënjeni – me dëshirën tuaj ju kryeni krime të tilla këtu. Putin… e ke gabim, je fajtor. Unë kërkoj t’i jepet fund gjithë kësaj. Ju lutemi jepni urdhër të gjithë ushtarakëve të kthehen në shtëpi. Mendova se qeveria ishte e arsyeshme, por na hodhën si mish për top. Ky është faji i komandës kryesore”, theksuan ata. Ata u lejuan më pas të flisnin me gazetarët në Agjencinë e Lajmeve të Ukrainës “Interfax”, dhe të kërkonin falje për veprimet e vendit të tyre.
