Ndërsa ecni në raftet e supermarketit për të blerë mallra ushqimore si qumësht, lëng frutash apo të tjera, sytë ndalen tek një mall i pazakontë.
Quality Foods, Ilford Lane, një dyqan në Britaninë e Madhe shet urinë lope ose Gau Mutra në shishe që ka habitur disa konsumatorë.
Menaxherja Deepa Kashyap tha produkti blihet nga krerët fetarë indu. Pandits (studiues hindu) janë ato që blejnë atë për ceremonitë, por kjo nuk është për tu pirë”, tha ajo.
“Urina përdoret në Indi për qëllime fetare dhe mjekësore. Shumë tempuj këtu kanë filluar ta përdorin shumë këtë mall. Lopa është e shenjtë dhe urina lopëve është e shenjtë”, thekson menaxherja.
Farooque Azad, një klient në dyqan, dërgoi një foto të produktit në London24. Ai tha se ishte i shqetësuar për higjienën e shitjes së prdukteve shtazore në afërsi të artikujve ushqimor. “Njerëzit kanë lirinë për të zgjedhur atë që ata besojnë, por unë mendoj se nuk është higjienike dhe kjo nuk është e mirë,” tha z Azad.
Harish Raval, një klerik hindu në Qendrën VHP, Cleveland Road, Ilford, ka konsumuar produktin dhe nuk mendon se kjo është e pasigurt ose të papastër. Ai beson se ka përfitime medicinale duke e përdorur atë.
“Është një besim personal, në qoftë se ju keni besim në Zot është e sigurt,” tha ai.
“Urina përdoret për qëllime shëndetësore dhe për të pastruar vende. Sa herë që ne kemi lutje ne e spërkasim me urinë.
Ajo pastron shpirtin, është si një dush hyjnor – Unë kam përdorur atë por nuk kam pirë vetë, megjithatë nuk mendoj se është e pasigurt”. Këshilli i Higjenës së Redbridge tha se po hetonte çështjen. Një zëdhënëse tha se zyrtarët e shëndetësisë mjedisore vizituan ambientet, por në kohën e vizitës nuk e panë produktin në shitje. Kjo është një situatë unike dhe ne jemi duke marrë këshilla nga Agjencia e Shëndetit në nivel kombëtar në lidhje me shitjen e produktit” Një zëdhënës i Agjencisë së Standardeve të Ushqimit (FSA) tha: “Ligji i BE-së i konsideron feçen dhe urinën e kafshëve që nuk mund të hyjë në zinxhirin ushqimor.
“Nëse urina lopëve do të vendoset në treg kërkon certi
fikatë nga BE dhe derisa nuk e ka ajo nuk mund të shitet”, tha ai./27.al/
